یەکگرتووی ئیسلامی، پرۆژەی تاقیکردنەوەی بەهای فەرموودەی بۆ ژمارەیەکی زۆر لە ژنانی یەکگرتوو و لایەنگرانیان لە بەشێک لە شارەکانی کوردستان وەرێخست. تاقیکردنەوەکە ئەوەیە کە هەر ژنیک ١٠٠ فەرموودە!!ی محمەد لەبەر بکات. ئیسلامیەکانی کوردستان بەگشتی و یەکگرتووی ئیسلامی بەتایبەتی، لە رێرەوی تەریک کەوتنەوە و ئەزمەیەک کە ئەزمە و شکستی رەوت گەلی ئیسلامی داعشی و ئەردۆغانین، بۆ قەربووکردنەوەی ئەو شکستانەو ناکامی خۆیان، ماوە ماوە پرۆژەی جیاجیا بەدەستەوە دەگرن، ڕۆژێک کێبەرکێی باڵاپۆشی و لەژێر ناوی لەسەرنانی تاجی زێڕین و رۆژیک لەبەرکردنی حەدیسەکانی محەمەد و رۆژیک دابەش کردنی شمەک و پیداویستی بەسەر مناڵان و خێزانە کەم دەرامەتەکان… دەگرنە بەر.
ئامانجی یەکگرتوو لەم پرۆژانە لەلایەکەوە بۆ خۆشاردنەوەو پەرەپۆش کردنی شکست و ناکامی و پاشەکشەی بەردەوامیەتی لە گۆرەپانی سیاسی کوردستاندا و لەلایەکی تریشەوە هەوڵە بۆ دەسپێکێکی تازە و خستنی زەخیرە بۆ هەڵبژاردنی داهاتوو، وە هاوکات هەوڵیکە بۆ پێگەیاندنی نەوە لەدوای نەوە لەدەوری پرۆژە ئیسلامیەکانیان، تا لانی کەم بتوانن لەم رێگایەوە شارستانی بوونی کۆمەڵگەی کوردستان بشارنەوە و بەرگی ئیسلامی بەبەردا ببڕن. ئیسلامیەکان و یەکگرتووی ئیسلامی چاویان بە کراوەیی کۆمەڵگەی کوردستان، بە هوشیاریان، بە رەفتار و هەلس و کەوتی مەدەنی رۆژانەیان، بەسەیران و سەفایان، بۆ ئارەزوی گەرانیان بەدوای دیتنی پیشرەویەکانی ئینسان و زانست و زانیاری… بۆیە هەمیشە هەوڵ دەدەن بە پرۆژەی ناکۆک بە دنیابینی شارستانی و ئیرادەی ئازادانەی ئینسان، پرۆژەی بە کۆیلەکردن و ملدان بە کۆنەپەرستی و فەرمودەی سەردەمی جاهیلی دواکەوتوانە کۆمەڵگە لیخن بکەن. یەکگرتوو کە هەڵگری هیچ پرۆژەیەک بۆ باشترکردنی ژیان و گوزەرانی هاوڵاتیان نییە، بە پێوەری خودا لە پێشدا چارەنووسی ئینسانەکانی دیاریکردووە و رسق خواد دەیبەخشیت و ئەم دنیایە کاتی و ئەزموونییە و دنیا دنیای سبەینێیە، خوازیارە کۆمەڵگە لەبەرامبەر ستەمی دەسەڵات، کۆمپانیا، کۆنەپەرستی ئیسلامی بێدەنگە رابگرێت…
هەر ئەو ئیسلامی و یەکگرتوانەی رۆژانە کاوێژی ئەوە دەکەن لە سەدا ٩٩ خەڵکی کوردستان موسوڵمانن!! کەچی پرۆژەی بە ئیسلام کردنی کۆمەڵگە بەدەستەوە دەگرن و ترس و نیگەرانیان لە یەک لە سەدی!! خەڵکی کوردستانە. هەروەها خەڵی کوردستان لەهیچ لایەکەوە زوڵمی مەزهەبی نەک لەسەر نییە، بەڵکو زوڵمی ئیسلامی لە رێگای کۆنەپەرست بوونی دەسەڵات و یاساو رێسا ئیسلامیەکانەوە، لەسەر نائیسلامیەکان و ئاتەئیست و مەزهەبەکانی تر واقعیەتی کۆمەڵگەی کوردستانەو لەو راستایەشدا ئەوە مەلاو ئیسلامیەکانن رۆژانە فتوا دەدەن و بە فتواو فیتنەی ئەوانیش خەڵک تیرۆر کراوەو راونراوەو سوکایەتی پێکراوە و دەکرێت… هیچ ئیسلامیەک، باڵاپۆشیک، مەلا و کەسایەتیەکی دینی لەلایەن عەلمانی و ئاتەئیستەکانی کوردستانەوە هیچی پێ نەوتراوە، بە پێچەوانەی ئەوەوە دەم پیسی و هەرەشەو سوکایەتی ئیسلامیەکان، بە عەلمانیەکان و بەهەموو سیمایەکی مەدەنی و بەهەر لیکدانەوە رەخنەیەک لە ئیسلام… مەلا مەزهەر و هەڵۆکان، عەبدولەتیفەکان، ئامادەن و دەست وەردەدەنە هەموو لایەنێکی ژیانی سیاسی و کۆمەڵایەتی و فەردی تاکەکان و خواستە ئازادەکانیان.
چ ئیسلامیەکان و چ یەکگرتووی ئیسلامی لە کۆمەڵگەی مۆدێرنی کوردستاندا شانسی بوون بەهێز و گرتنی دەسەڵاتیان نییە، بۆیە بەدوای ڕیگەی تردا دەگەڕین تا ئینسانی ئەم کۆمەڵگەیە بی ئیرادە بکەن، ئەوەش وای کردووە ئاوا بە ئاسانی دەستیان کراوە بێت، دەسەڵاتی سیاسی کۆنەپەرست بۆرژوای کوردە.